Preàmbul
Conformament a l’article L.920-S-1 del Còdi del Trabalh, aqueste reglament fixa las règlas de disciplina interiora aplicablas a tot estagiari que seguís una accion de formacion. Lo Centre de Formacion Professionala Occitan – Region Auvèrnhe Ròse-Alps es domiciliat a L’Ostal del Telh, 1 carrièra Joan Moulin, 15000 Aurillac. Es declarat jos lo numèro de declaracion 84 15 03193 15. Lo present Reglament Interior a per vocacion de precisar certanas disposicions aplicablas a totes los inscriches e participants a las formacions e estagis organizats pel CFPO, afin d’assegurar un foncionament regular.
Condicions generalas
- Un contracte de formacion es completat e signat per l’estagiari e la presidenta del CFPO Montanhòl en dos exemplars, dont un remetut a l’estagiari. Engatja l’estagiari al respècte del present reglament.
- Aqueste reglament facilita la bona organizacion e lo bon desvolopament de las formacions. S’impause a cadun pendent tota la durada de la formacion. Los formators e l’equipa administrativa vetllan a sa aplicacion.
- Un exemplar es remés als estagiaris e disponible sus lo site internet. Los formators n’explican lo contengut e las modalitats.
- L’estagiari deu observar una atitud corrècta cap al personal e prene en compte las observacions que li son destinadas.
- La règla de l’establiment es la neutralitat, sens discriminacion d’origina, de religion o d’opinion politica.
- Lo reglament s’aplica a totes los estagiaris inscriches a una sesilha dispensada pel CFPO Montanhòl, pendent tota la durada de la formacion.
L’adesion
L’adesion se materializa per la signatura e lo retorn del bulletin d’adesion, acompanhats del pagament de la cotizacion :
- Individuala : 10 €
- Persona morala : 30 €
- Entreprisa o institucion publica : 100 €
Oraris e assiduitat
La preséncia e l’assiduitat son essencialas per la reüssida e la vida del grop.
- Respècte del calendièr e dels oraris fixats pel CFPO.
- Utilizacion del telefòn portable interdita, levat autorizacion expresa del formator.
- Fuèlhas d’emargament signadas a cada session.
- Las abséncias injustificadas o tardanças repetidas pòdon entraïnar de sancions.
- Las abséncias per malautiá devon èsser justificadas dins las 48h per un certificat medical.
- Los estagiaris relevant de Pòle Emplec son afiliats a la CPAM de lor residéncia.
Immersion
Lo CFPO Montanhòl informa que l’aprendissatge se fa segon una metòda immersiva.
Trabalh e condicions de trabalh
Una participacion activa es demandada. Lo material e los locals devon èsser respectats. La documentacion pedagogica, protegida pel drech d’autor, es reservada a un usatge estrictament personal.
Enregistrament
Los enregistraments personals (àudio/vídeo) son prohibits. Sols aqueles realizats pel CFPO o pel formator son autorizats.
Igiena e seguretat
Cada estagiari deu respectar las consignas d’igiena e de seguretat. Es defendut de se presentar en estat d’ivretat o jos l’influéncia de substàncias illicitas. Lo tabac es interdit dins los locals de formacion.
Accident
Tota accident deu èsser declarat immediatament al CFPO e confirmat dins 24 oras. Conformament a l’article R.962-1 del Còdi del Trabalh, l’accident subrevingut en formacion o pendent lo trajècte fa l’objècte d’una declaracion.
Disciplina
Una tenida corrècta es exigida. En cas de mancament, las sancions possiblas son :
- Avertiment
- Blam
- Exclusion
Las sancions son notificadas per escrit e comunicadas a las partidas concernidas.
Representacion dels estagiaris
Los estagiaris pòdon elegir de representants al escrutini uninominal a dos torns, per la durada de la formacion.
Assurança
Los estagiaris son cobèrts per l’assurança del CFPO Montanhòl, mas devon tanben dispausar d’una responsabilitat civila personala.
Responsabilitat
Lo CFPO Montanhòl declina tota responsabilitat en cas de vol o de deterioracion d’objèctes personals.
RGPD e proteccion de las donadas
Lo CFPO Montanhòl s’engatja a :
- Far pas sortir las donadas a caractèr personal
- Ne garantir la confidencialitat
- Vetlar a çò que las personas autorizadas al tractament respecten aquel engatjament
